Bloggmella

Miðvikudagur, 11. apríl 2007

Nú er ég að síga hægt og rólega niður vinsældalista bloggheima enda hef ég ekki bloggað síðan á páskadag. Það kostar greinilega blóð og svita að komast á toppinn og ábyggilega tár að halda sér þar. Annars eru ekki allir jafn hrifnir af þessu brölti mínu upp bloggstigann og hafa janfvel kallað mig "bloggmellu" (tja, kanski ekki kallað mig það en meint það -held ég) og vilja meina að ég sé að að fara auðveldu leiðina upp áðurnefndan stiga með því að blogga bara um mest lesnu fréttirnar á mbl.is á fá þannig auðvelta traffík á vefinn. Þarna held ég að sé reyndar á ferðinni enn eitt samstarf þeirra systra Öfundar og Frægðar en þær fylgjast gjarnan að eins og fólk veit. Þetta er reyndar allt bara hluti af innanhússgríni hér á Galdrakontórnum, en það verður gaman hvað þessi færsla, sem ekki er um frétt á mbl.is, gerir fyrir bloggfrægð mína.

Flokkur: Bloggar | Breytt s.d. kl. 12:12 | Facebook

Athugasemdir

Já svona er þetta en hugsaðu þér hvað lífið væri nú leiðinlegt ef ekki væru til þær systur :o) Öfund og Frægð það væri næstum eins og ef Gróa á Leiti væri ekki til. Ég hef svosem alltaf sagt " allt í lagi að fólk tali um mig það talar ekki (illa) , um aðra á meðan" Endilega haltu áfram að blogga.
bestu kveðjur frá Neskaupstað

Áslaug (IP-tala skráð) 13.4.2007 kl. 13:07

Ekki sakna ég hennar Gróu kellingarinnar! Ekki það að hún fyrirfinnist ekki hérna, það gerir hún sjálfsagt eins og annars staðar. Það er bara þannig að þegar maður er bara vitlaus útlendingur, þá fer svoleiðis nokk alveg fyrir ofan garð og neðan hjá manni, og mikið lifandis skelfing er það gott!

Sko - þannig lít ég á málið: Sumum finnst gaman að viðra skoðanir sínar opinberlega og á skemmtilegan hátt - öðrum ekki. Sumum finnst gaman að fanga athygli fólks en aðrir geta ekki hugsað sér það. Sumir eru keppnismenn í eðli sínu á meðan öðrum gæti ekki staðið meir á sama um árangur sinn á ýmsum sviðum. Síðarnefndi hópurinn á bara að hafa gaman af hinum fyrrnefndu! Hvað er að því að því að vera á topplista bloggara. Stæra menn sig ekki af því að vera skattakóngar t.d.? Er ekki BLOGGKÓNGUR miklu skemmtilegra og jákvæðara orð en bloggmella? Kannski menn fari að taka upp á því líka að krýna bloggkónga og drottningar í árslok. Hvað um það - ég les bloggið þitt hvort sem þú ert á vinsældalista eða ekki - til þess eru jú bloggvinir - ekki satt?