Heita pottar heitapottar?

Ég heyrði auglýsingu í útvarpinu í dag sem hljóðaði eitthvað á þessa leið: "Heitapottar í miklu úrvali .... bla bla bla .... eitthvað fyrirtæki sem ég man ekki hvað heitir."  Mér fannst þetta dálítið skondið og fór að velta fyrir mér hvernig svona lagað villist inn í málið og jafnvel festist þar og hvort og þá hvenær á að hætta að líta á svona sem villu.  En það er allavega alveg pottþétt eitthvað verða þeir að heita pottarnir og kanski skiptir ekki máli hvort þeir heita heitir pottar eða heitapottar

Athugasemdir

[Aðalheiður Haraldsdóttir, 24.5.2007 kl. 07:09]

Uss, uss, uss - mér finnst þetta nú bara vera algjört málskrípi og vona að þetta hverfi úr málinu sem fyrst!  Ef menn vilja endilega hafa þetta í einu orði væri þá skömminni skárra að segja ,,varmapottar" eða ,,hitakar" eða jafnvel bara ,,ídýfa"  Annars held ég að það hafi aldrei verið neitt vandamál hjá íslensku þjóðinni að segja einfaldlega ,,heitir pottar"!

[Áslaug (IP-tala skráð) 24.5.2007 kl. 19:54]

Já þetta er magnað orðskrípi ef svo má segja.  Góðar hugmyndir hjá henni Aðalheiði  þó sérstaklega "ídýfa" en er þetta ekki bara það sem koma skal er ég hrædd um. Heitir pottar eru "heitapottar" og geðveikt er "gegt"  eða "gegnt" þegar unga kynslóðin talar.