Skrítið veðurfar

Þetta er alveg stórmerkilegt!  Á meðan á öllu þessu gekk sváfum við Hornfirðingar eins og ungabörn í einu mesta blíðviðri sem sögur fara af á þessum árstíma.  Sá vindmælir sem ég tek mest mark á eru garðhúsgögnin á pallinum hjá mér.  Þau eru úr plasti og því afar létt og fjúka til við minnsta vind.  Eðli málsins samkvæmt eru þessi húsgöng inni í bílskúr yfir veturinn.  Þau voru hinsvegar tekin í gagnið á mánudaginn því eins og lesendur bloggsins vita er vorið komið hér á Hornafirði.  Þegar ég heyrði þessar fréttir af vonda veðrinu í Öræfunum og á Seyðisfirði leit ég út á pall og átti alveg eins von á að garhúsgögnin væru á bak og burt.  En þar stóru þessar elskur, fallega uppstilltar eins og ekkert hefði í skorist, og biðu þess að sólin þerraði af þeim morgundöggina.  Það var alveg klárlega ekkert vont veður á Hornafirði í nótt!

Sendibíll fauk af vegi og Norræna slitnaði frá bryggju

Athugasemdir

[Aðalheiður Haraldsdóttir, 4.4.2007 kl. 17:59]

Anna! Til hamingju með afmælið  Ég vona að þú hafir átt góðan dag. ég er ekki búin að senda gjöfina þína en við getum bara sagt að það sé mömmu að kenna því að hún sé ekki búin að pakka henni inn  En hafðu það bara gott, ég er að vinna í þessu með gjöfin. Hafðu það bara gott í dag og um alla framtíð 

Rebekka.